गल्याङ गाउँपालिकाले विपन्न परिवारलाई निःशुल्क स्वास्थ्य बीमा कार्ड वितरण गरेको छ। पालिकाका ७ सय विपन्न परिवारलाई यो सेवा उपलब्ध गराइएको हो।
बीमाको विस्तार
गाउँपालिकाले सरकारको स्वास्थ्य बीमा कार्यक्रमलाई विस्तार गर्दै थप विपन्न परिवारलाई समेट्ने प्रतिबद्धता जनाएको छ। पालिकाले वार्षिक ५० लाख रुपैयाँ बीमा शुल्क व्यहोर्ने जनाएको छ।
गरिबीको कारण हामी अस्पताल जान डराउँथ्यौं । अब स्वास्थ्य बीमा कार्ड पाएपछि निःसङ्कोच उपचार गर्न सकिने भएको छ ।
यसअघि धेरै विपन्न परिवारले स्वास्थ्य बीमाको रकम तिर्न नसकेर बीमा गर्न पाएका थिएनन्। पालिकाले बीमा शुल्क नै तिरिदिएपछि उनीहरूले सहजै बीमा कार्ड पाएका हुन्।
